Хятад улсын дэд дарга Хань Жэн 05-р сарын 14-ний өдөр Бээжинд Чилийн ерөнхийлөгч Боричтой уулзав.

Хань Жэн:

- Энэ жил Хятад, Чили хоёр орны хооронд дипломат харилцаа тогтоосны 55 жил, Чөлөөт худалдааны хэлэлцээр байгуулсны 20 жилийн ой тохиож байна. Дипломат харилцаа тогтоосноос хойших сүүлийн хагас зуун жилийн хугацаанд хоёр орны харилцаа сайн хөгжлийн хурдаа хадгалж, Латин Америк, Карибын тэнгисийн орнуудын тэргүүн эгнээнд удаан хугацааны турш байсаар ирсэн. Дарга Ши Жиньпин саяхан тантай үр дүнтэй уулзалт хийсэн нь Хятад, Чилийн харилцааны хөгжилд хүчтэй түлхэц өгсөн юм. Хоёр орны төрийн тэргүүний тохиролцсон чухал нийтлэг ойлголтыг хэрэгжүүлж, улс төрийн харилцан итгэлцлээ тасралтгүй бэхжүүлэн, ажил хэрэгч хамтын ажиллагаагаа тасралтгүй гүнзгийрүүлж, олон талт стратегийн зохицуулалтыг бэхжүүлж, Хятад Чилийн иж бүрэн стратегийн түншлэлийн харилцааг тасралтгүй хөгжүүлэн, Хятад, Латин Америкийн хувь заяаны хамтын цогцын байгуулалтад шинэ хувь нэмэр оруулахад Хятадын тал бэлэн байна гэдгээ илэрхийлэв.

Борич:

- Чили, Хятадын харилцааны хэтийн төлөв өргөн байна. Чили улс "Бүс ба Зам"-ын хамтын бүтээн байгуулалтад идэвхтэй оролцож, Хятад улстай эдийн засаг, соёл, нийгэм, шинжлэх ухаан, технологийн салбарын ажил хэрэгч хамтын ажиллагаагаа эрчимжүүлж, цаг уурын өөрчлөлтийг хамтдаа зохицуулан, олон талт үзэл, дэлхийн энх тайвныг хамгаалахад бэлэн байна гэж хэлэв.